Cover Page: 

1960 चे दशक. अमेरिका – जगातील महासत्ता. तंत्रज्ञान, धनधान्याचा भरपूर पुरवठा. सेक्स, ड्रग्ज आणि रॉक अँड रोल संगीत – मदिराक्षी, मदिरा आणि चरस-गांजा साथीला. अशा वातावरणात लहानाचा मोठा झालेला रिची एका अर्थाने हजारो-लाखो तरुणांपैकी एक… चंगळवादाच्या प्रवाहात वाहत चाललेला, तरीही प्रवाहाच्या विरुद्ध वाहत जाऊन काहीतरी ‘श्रेष्ठ’ त्याला हवे होते. म्हणून तो या लाखोंपैकी ‘एकच’ ठरला.
भोगवादाच्या रणरणत्या वाळवंटात रिचर्डची तृष्णा कोणत्याही उपलब्ध सुखाने तृप्त होणे शक्य नव्हती; त्याला हवी होती ज्ञान आणि प्रेमाची गंगा. अखेर भागीरथी गंगेनेच त्याला मातेप्रमाणे जवळ घेऊन हरिनामाचे गीत प्रदान केले.
‘तृषार्त पथिक’ रिचर्डचा तृप्त पथिक
‘राधानाथ स्वामी’ असे रुपांतर झाले.

देवाच्या प्राप्तीसाठी व सख्यत्वासाठी अधीर असणार्‍या एका साधकाने दशदिशांचा शोध घेतला… ‘तृषार्त पथिक’ या ग्रंथात या शोधयात्रेचे उदात्तरम्य चित्रण आढळते. – प्राचार्य शिवाजीराव भोसले.